ఆ చీకటి రోజులకు మూడేళ్లు: చంద్రబాబుకు అండగా నిలిచిన తెలుగు జాతికి లోకేష్ ధన్యవాదాలు

రాజకీయ కక్ష సాధింపు చర్యల్లో భాగంగా, సరిగ్గా మూడేళ్ల క్రితం ఇదే రోజున నారా చంద్రబాబు నాయుడిని అక్రమ కేసుల్లో నిర్బంధించారని మంత్రి నారా లోకేష్ గుర్తుచేసుకున్నారు.

ఆ చీకటి రోజులను తలచుకుంటూ ఆయన సోషల్ మీడియా వేదికగా స్పందించారు.

ఆ కష్టకాలంలో 'నిజం గెలవాలి' అంటూ తెలుగు జాతి మొత్తం చంద్రబాబుకు అండగా నిలబడిందని ఆయన కొనియాడారు.అంతిమంగా ఆ పోరాటంలో నిజమే గెలిచిందని, అక్రమ కేసులను కోర్టులు సైతం కొట్టివేశాయని లోకేష్ స్పష్టం చేశారు.

చంద్రబాబు నిర్బంధం నుంచి బయటకు రావడం ధర్మం సాధించిన విజయమని పేర్కొన్నారు.

నాడు తమకు కొండంత అండగా నిలిచి, మద్దతు తెలిపిన యావత్ తెలుగు జాతికి ఈ సందర్భంగా లోకేష్ మరోసారి తన హృదయపూర్వక కృతజ్ఞతలు తెలియజేశారు.